മനാമ: ബഹ്‌റൈന്‍ കെ.എം.സി.സി കണ്ണുര്‍ ജില്ലാ കമ്മിറ്റിയുടെ ആഭിമുഖ്യത്തില്‍ കേന്ദ്ര സഹമന്ത്രിയും മുസ്‌ലിം ലീഗ് അഖിലേന്ത്യാ പ്രസിഡന്റുമായിരുന്ന ഇ.അഹമ്മദ് സാഹിബിന്റെ അനുസ്മരണ സമ്മേളനം വിപുലമായി സംഘടിപ്പിക്കുമെന്ന് ഭാരവാഹികള്‍ സുപ്രഭാതത്തെ അറിയിച്ചു. മാര്‍ച്ച് ഒന്നിന് വെള്ളിയാഴ്ച രാത്രി 7.30ന് മനാമ പാകിസ്താന്‍ ക്ലബില്‍ നടക്കുന്ന അനുസ്മരണ സമ്മേളനത്തില്‍ കെ.എം ഷാജി എം.എല്‍.എ മുഖ്യപ്രഭാഷണം നടത്തും. മുസ്‌ലിം ലീഗ് കണ്ണൂര്‍ ജില്ല സെക്രട്ടറി കരീം ചേലേരി മുഖ്യാതിഥിയായി പങ്കെടുക്കും. ബഹ്‌റൈന്‍ കെ.എം.സി.സി സംസ്ഥാന ഏരിയാ ഭാരവാഹികള്‍, പ്രമുഖ വ്യക്തികള്‍ എന്നിവര്‍ പങ്കെടുക്കും. അനുസ്മരണ സമ്മേളനത്തിന്റെ ഭാഗമായി പ്രബന്ധമത്സരം, പ്രസംഗ മത്സരം എന്നിവയും സംഘടിപ്പിച്ചിട്ടുണ്ട്. കൂടുതല്‍ വിവരങ്ങള്‍ക്ക് +973 3319 2598.