ചെങ്ങന്നൂര്‍: അനധികൃത മദ്യവില്‍പന നടത്തിയ യുവാവിനെ എക്‌സൈസ് സംഘം പിടികൂടി. എണ്ണക്കാട് ഇലഞ്ഞിമേല്‍ വടക്കുംമുറിയില്‍ മേമന പടീറ്റതില്‍ മോഹനനെ (48)യാണ് എക്‌സൈസ് സംഘം അറസ്റ്റ് ചെയ്തത്.
ചെങ്ങന്നൂര്‍ റേഞ്ച് എക്‌സൈസ് ഇന്‍സ്‌പെക്ടര്‍ ബി റെജിയുടെ നേതൃത്വത്തില്‍ നടത്തിയ റെയ്ഡിലാണ് മദ്യവില്‍പന നടത്തിക്കൊണ്ടിരിക്കുമ്പോള്‍ ഇയാളെ പിടികൂടിയത്.
ചെങ്ങന്നൂര്‍ താലൂക്കിലെ എല്ലാ വിദേശമദ്യഷാപ്പുകളും പൂട്ടിയ സാഹചര്യത്തില്‍ പുളിക്കീഴ്‌നിന്നും വാങ്ങിക്കൊണ്ടുവന്ന് ഇയാള്‍ വിദേശമദ്യം ചില്ലറ വില്‍പന നടത്തുകയായിരുന്നു. മൂന്നു അബ്ക്കാരി കേസുകളില്‍ പ്രതിയാണ് ഇയാള്‍. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്റു ചെയ്തു.