വണ്ണപ്പുറം : സുന്നി മഹല്ല് ഫെഡറേഷന്‍ ഇടുക്കി ജില്ലാ കമ്മിറ്റി വണ്ണപ്പുറം ടൗണ്‍1 ജമാഅത്ത് കമ്മിറ്റിയുടെ സഹകരണത്തോടെ നടത്തുന്ന പ്രീ മാരിറ്റല്‍ ട്രെയ്‌നിങ് കോഴ്‌സ് 10 ന് രാവിലെ 9.30 ന് വണ്ണപ്പുറം നൂറുല്‍ ഇസ്‌ലാം മദ്‌റസ ഓഡിറ്റോറിയത്തില്‍ ആരംഭിക്കും.
സുന്നി മഹല്ല് ഫെഡറേഷന്‍ ജില്ലാ പ്രസിഡന്റ് ഷാജഹാന്‍ മൗലവി ഉദ്ഘാടനം നിര്‍വഹിക്കും. വണ്ണപ്പുറം ടൗണ്‍ ജമാഅത്ത് പ്രസിഡന്റ് കെ.എം. പരീത് ഹാജി കക്കാട്ട് അധ്യക്ഷനാകും. മഹല്ല് ഫെഡറേഷന്‍ സംസ്ഥാന ഓര്‍ഗനൈസര്‍ പി.സി ഉമ്മര്‍ മൗലവി വയനാട് ക്ലാസിന് നേതൃത്വം നല്‍കും.
ടൗണ്‍ മസ്ജിദ് ചീഫ് ഇമാം മുഹമ്മദ് സ്വാലിഹ് അന്‍വരി ആമുഖപ്രഭാഷണം നടത്തും. മഹല്ല് ഫെഡറേഷന്‍ ജില്ലാ സെക്രട്ടറി കെ.ബി അബ്ദുല്‍ അസീസ്, സുന്നി ബാലവേദി ജില്ലാ ചെയര്‍മാന്‍ ഷിഹാബുദ്ധീന്‍ വാഫി, ജംഇയ്യത്തുല്‍ മുഅല്ലിമീന്‍ സെക്രട്ടറി അബ്ദുല്‍ കരീം മൗലവി, സമസ്ത ലീഗല്‍ സെല്‍ ചെയര്‍മാന്‍ ഹനീഫ് കാശിഫി, എസ്.കെ.എസ്.എസ്.എഫ് ജില്ലാ സെക്രട്ടറി അബ്ദുറഹമാന്‍ സഅ്ദി, തുടങ്ങിയവര്‍ പങ്കെടുക്കും.
16 വയസുള്ള പെണ്‍കുട്ടികള്‍ക്കും 21 വയസുള്ള പുരുഷന്മാര്‍ക്കുമാണ് അവസരം. 9.30 ന് രജിസ്‌ട്രേഷന്‍ ആരംഭിക്കുമെന്ന് കൊ ഓഡിനേറ്റര്‍മാരായ ടി.എം. ഹനീഫ, ഷാജഹാന്‍ കൈനിക്കല്‍ അറിയിച്ചു.