കോഴിക്കോട് : പ്ലസ് വണ്‍ പ്രവേശനത്തിന് കമ്മ്യൂണിറ്റി ക്വാട്ട ലിസ്റ്റ് പ്രസിദ്ധീകരിക്കുന്നത് മുഖ്യ അലോട്ട്‌മെന്റിന് ശേഷമാക്കണമെന്ന് എം.എസ്.എഫ് സംസ്ഥാന കമ്മിറ്റി ആവശ്യപ്പെട്ടു.
ജനറല്‍ മെറിറ്റിനു പ്രവേശനം നേടേണ്ട മുഴുവന്‍ വിദ്യാര്‍ഥികളും അവസരം ഉപയോഗിക്കുന്നതിന് മുമ്പ് കമ്മ്യൂണിറ്റി ക്വാട്ട ലിസ്റ്റ് പ്രസിദ്ധീകരിക്കുന്നത് അര്‍ഹരായ വിദ്യാര്‍ഥികള്‍ക്ക് അവസരം നഷ്ടമാകാന്‍ കാരണമാകും. ജനറല്‍ മെറിറ്റിന് പ്രവേശനം നേടേണ്ട വിദ്യാര്‍ഥികള്‍ കമ്മ്യൂണിറ്റി ലിസ്റ്റില്‍ പ്രവേശനം നേടിയാല്‍ നിരവധി വിദ്യാര്‍ഥികള്‍ക്ക് കമ്മ്യൂണിറ്റി പ്രകാരമുള്ള അവകാശം നഷ്ടമാകുമെന്ന് എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍, ജന:സെക്രട്ടറി എ.പി നവാസ് എന്നിവര്‍ അഭിപ്രായപ്പെട്ടു.