ബെര്‍ലിന്‍: കൊവിഡ് പ്രതിരോധ നടപടികളുടെ ഭാഗമായുള്ള നിയന്ത്രണങ്ങള്‍ക്കെതിരേ പ്രതിഷേധിച്ച നിരവധി പേര്‍ ജര്‍മനിയില്‍ അറസ്റ്റില്‍. അമേരിക്കയ്ക്കും ബ്രസീലിനും പിന്നാലെ കഴിഞ്ഞ ദിവസമാണ് ജര്‍മനിയിലും പ്രതിഷേധം നടന്നിരുന്നത്. ബെര്‍ലിനില്‍ മാത്രം നിരവധി പ്രതിഷേധക്കാരാണ് അറസ്റ്റിലായത്. ആയിരത്തിലേറെ പേരാണ് ജര്‍മന്‍ തലസ്ഥാനമായ ബെര്‍ലിനില്‍ പ്രതിഷേധത്തിനിറങ്ങിയത്. നേരത്തെ, ബ്രസീലിലും അമേരിക്കയിലും നിയന്ത്രണങ്ങള്‍ക്കെതിരേ പ്രതിഷേധം നടന്നിരുന്നു. ബ്രസീല്‍ പ്രസിഡന്റ് ജയര്‍ ബോല്‍സനാരോയും പ്രതിഷേധത്തില്‍ പങ്കെടുത്തത് വിവാദമാകുകയും ചെയ്തിരുന്നു.