പാലാ :ഹര്‍ത്താല്‍ പാലായില്‍ പൂര്‍ണ്ണം, സമാധാനപരം. പാലാ നഗരത്തിലും സമീപപ്രദേശങ്ങളിലും വാഹനഗതാഗതമുള്‍പ്പടെയുളള അവശ്യസര്‍വ്വിസുകള്‍ തടസ്സപ്പെട്ടു. ടാക്‌സിവാഹനങ്ങളും ഹര്‍ത്താലില്‍ പങ്കെടുത്തു. ചില സര്‍ക്കാര്‍ ഓഫിസുകള്‍ തുറന്നുപ്രവര്‍ത്തിച്ചെങ്കിലും ഹാജര്‍നില കുറവായിരുന്നു. കെ.എസ്.ആര്‍.ടി.സി, സ്വകാര്യ ബസുകള്‍ സര്‍വ്വിസ് നടത്തിയില്ല. സ്വകാര്യവാഹനങ്ങള്‍ യഥേഷ്ടം നിരത്തിലിറങ്ങി. കടകമ്പോളങ്ങളും ഹോട്ടലുകളും പ്രവര്‍ത്തിച്ചില്ല. പൈക, ഭരണങ്ങാനം, കൊല്ലപ്പള്ളി, പ്രവിത്താനം, കിടങ്ങൂര്‍ ടൗണുകളിലും ഹര്‍ത്താല്‍ പൂര്‍ണ്ണമായിരുന്നു. പ്രവര്‍ത്തകര്‍ പ്രകടനങ്ങളും യോഗവും ചേര്‍ന്നു.