ചെറുവത്തൂര്‍ (കാസര്‍കോട്:): പിലിക്കോട് കരപ്പാത്ത് അയല്‍വാസിയുടെ വെടിയേറ്റ് ഗൃഹനാഥന്‍ മരിച്ചു. സോമേശ്വരി ക്ഷേത്രത്തിന് സമീപത്തെ കെ.സി സുരേന്ദ്രനാണ് (63) മരിച്ചത്. 

ഇന്നലെ വൈകിട്ട്  5.30ഓടെയായിരുന്നു സംഭവം. മാലിന്യം കത്തിക്കുന്നതുമായി ബന്ധപ്പെട്ട തര്‍ക്കമാണ് കൊലയില്‍ കലാശിച്ചതെന്ന് അയല്‍വാസികള്‍ പറയുന്നു. പ്രതി സനല്‍ ചീമേനി പൊലിസില്‍ കീഴങ്ങി. ലൈസന്‍സ് ഇല്ലാത്ത നാടന്‍ തോക്ക് ഉപയോഗിച്ചാണ് വെടിവച്ചത്. കഴുത്തില്‍ വെടിയേറ്റ സുരേന്ദ്രന്‍ വീട്ടുമുറ്റത്ത് തന്നെ മരിച്ചുവീണു. സുകുമാരിയാണ് സുരേന്ദ്രന്റെ ഭാര്യ.  മക്കള്‍: സുമേഷ്, സുജിന. മരുമകന്‍: ബിജു. സഹോദരങ്ങള്‍: രവി, തമ്പായി.