പാടന്തറ: കാട്ടാനയുടെ ആക്രമണത്തില്‍ യുവാവ് കൊല്ലപ്പെട്ടു. പാടന്തറയിലെ വാച്ചികൊല്ലിയലെ സുരേഷ് (42) ആണ് മരിച്ചത്. വ്യാഴാഴ്ച രാത്രി ഒമ്പതോടെ വീട്ടിലേക്ക് നടന്നുപോകുകയായിരുന്ന രാധാകൃഷണനെ ആന തുമ്പിക്കൈയിലെടുത്ത് വലിച്ചെറിയുകയായിരുന്നു. സന്ധ്യയായിട്ടും രാധാകൃഷ്ണനെ കാണാതായതിനെ തുടര്‍ന്ന് വീട്ടുകാരും നാട്ടുകാരും നടത്തിയ തിരച്ചലില്‍ മരിച്ച നിലയില്‍ കണ്ടെത്തുകയായിരുന്നു. ഗൂഡല്ലൂരില്‍ നിന്നെത്തിയ വനംവകുപ്പ് ഉദ്യോഗസ്ഥരും ദേവര്‍ഷോലയില്‍ നിന്നെത്തിയ പൊലിസും ചേര്‍ന്ന് മൃതദേഹം പോസ്റ്റ്‌മോര്‍ട്ടത്തിനായി ഗൂഡല്ലൂര്‍ താലൂക്ക് ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുകൊടുത്തു. ഭാര്യ: രമണി. മകള്‍: അര്‍ച്ചന.