മലപ്പുറം: വോട്ടിന് വേണ്ടി സമുദായ സംഘടനകളുടെ പിന്നാലെ പോകില്ലെന്ന് കാനം രാജേന്ദ്രന്‍. മലപ്പുറത്ത് മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. സമുദായ സംഘടനകളുടെ പിന്തുണ കൊണ്ടല്ല എല്‍. ഡി .എഫ് ജയിച്ച് വന്നത്. എല്‍ .ഡി .എഫിന്റെ മൂല്യാധിഷ്ടിത രാഷ്ട്രീയം കൊണ്ടാണ് വിജയിച്ചത്. എന്‍ .എസ് .എസ് പല സമയത്തും സമദൂര നിലപാട് സ്വീകരിച്ചിട്ടുണ്ട്. ഇത് ശരിയല്ലെന്ന് പിന്നീട് തെളിഞ്ഞതാണ്.മുഖ്യമന്ത്രി വെള്ളാപ്പാളിയുടെ വീട്ടില്‍ പോയതില്‍ തെറ്റില്ല. അതില്‍ യാതൊരു രാഷ്ട്രീയ താല്‍പര്യവുമില്ല . രാഷ്ട്രീയ കൊലപാതകങ്ങളൊന്നും വരാനിരിക്കുന്ന ലോകസഭാ തെരെഞ്ഞെടുപ്പില്‍ ചര്‍ച്ചയാകാന്‍ പോകുന്നില്ല . അതെല്ലാം ജനങ്ങള്‍ മറക്കും. അത് നില നിര്‍ത്താന്‍ വേണ്ടി ചിലര്‍ നടത്തുന്ന ശ്രമങ്ങള്‍ വെറുതെയാവും. പൊന്നാനി, വയനാട് സീറ്റുകള്‍ വെച്ചു മാറുന്നതിനെ കുറിച്ച് പാര്‍ട്ടി ആലോചിച്ചിട്ടില്ലന്നും സി .പി. ഐ സ്ഥാനാര്‍ഥികളെ തീരുമാനിച്ചിട്ടില്ലെന്നും അദ്ദേഹം പറഞ്ഞു.