ജനീവ: അണ്ടര്‍ 20 ഫുട്‌ബോള്‍ ലോകകപ്പിനുള്ള ഗ്രൂപ്പുകള്‍ തയാറായി. ആറു ഗ്രൂപ്പുകളിലായി 26 ടീമുകളാണ് മത്സരത്തില്‍ മാറ്റുരക്കുന്നത്.

പോളണ്ട്, കൊളംബിയ, ഹെയ്തി, സെനഗല്‍ എന്നിവര്‍ എ ഗ്രൂപ്പില്‍ ഉള്‍പ്പെട്ടു. മെക്‌സിക്കോ, ഇറ്റലി, ജപ്പാന്‍, ഇക്വഡോര്‍ എന്നിവരാണ് ഗ്രൂപ്പ് ബിയിലുള്ളത്. ഹോണ്ടുറാസ്, ന്യൂസിലന്‍ഡ്, ഉറുഗ്വെ, നോര്‍വെ എന്നിവര്‍ ഗ്രൂപ്പ് സിയിലാണ്. ഗ്രൂപ്പ് ഡിയില്‍ ഖത്തര്‍, നൈജീരിയ, ഉക്രൈന്‍, അമേരിക്ക എന്നീ ടീമുകളാണുള്ളത്. പനാമ, മാലി, ഫ്രാന്‍സ്, സഊദി അറേബ്യ എന്നിവര്‍ ഗ്രൂപ്പ് ഇയിലും സ്ഥാനം പിടിച്ചു. പോര്‍ച്ചുഗല്‍, ദക്ഷിണ കൊറിയ, അര്‍ജന്റീന, ദക്ഷിണാഫ്രിക്ക എന്നിവര്‍ ഗ്രൂപ്പ് എഫിലും ഉള്‍പ്പെടുന്നു.