പാറശാല: പരശുവയ്ക്കല്‍ സര്‍വിസ് സഹകരണ ബാങ്കിന്റെ നേതൃത്വത്തില്‍ ഓണത്തിനൊരുമുറം പച്ചക്കറി പദ്ധതിയുടെ ഭാഗമായി കുടുംബശ്രീക്കും കര്‍ഷകര്‍ക്കും സഹകാരികള്‍ക്കും വിതരണം നടത്തിയ പച്ചക്കറി തൈകളുടെ നടീല്‍ ഉത്സവം നടത്തി. പരശുവയ്ക്കല്‍ കൊല്ലിയോട് ഏലായില്‍ നടന്ന ചടങ്ങ് സി.പി.എം ജില്ലാ സെക്രട്ടറി ആനാവൂര്‍ നാഗപ്പന്‍ നിര്‍വഹിച്ചു.
ഏരിയാ സെക്രട്ടറി കടകുളം ശശി, പാറശാല ഗ്രാമപഞ്ചായത്ത് പ്രസിഡന്റ് എസ്. സുരേഷ്, ജില്ലാ പഞ്ചായത്ത് അംഗം എസ്.കെ ബെന്‍ഡാര്‍വിന്‍, ബ്ലോക്ക് പഞ്ചായത്ത് അംഗം മഞ്ചുസ്മിത, ബാങ്ക് പ്രസിഡന്റ് അഡ്വ. എസ്. അജയകുമാര്‍, സി.പി.എം പരശുവയ്ക്കല്‍ ലോക്കല്‍ സെക്രട്ടറി കെ. മധു, എന്‍. രാധാകൃഷ്ണന്‍, ജെ. ജയദാസ് പങ്കെടുത്തു.