കൊച്ചി: ശഫീഖ് ഖാസിമി പീഡിപ്പിച്ചുവെന്നു ആരോപിക്കുന്ന കേസിലെ പെണ്‍കുട്ടിയെ നേരിട്ടു ഹാജരാക്കാന്‍ ഹൈക്കോടതി ഉത്തരവിട്ടു. കുട്ടിയെ ശരണാലയത്തില്‍ അന്യായമായി തടഞ്ഞുവച്ചിരിക്കുകയാണെന്നു ചൂണ്ടിക്കാട്ടി മാതാവ് സമര്‍പ്പിച്ച ഹരജിയില്‍ ജസ്റ്റിസ് സി.കെ അബ്ദുറഹീം, ജസ്റ്റിസ് ടി.വി അനില്‍കുമാര്‍ എന്നിവരടങ്ങിയ ഡിവിഷന്‍ ബെഞ്ചാണ് ഉത്തരവിട്ടത്. മാര്‍ച്ച് ആറിനു കുട്ടിയെ കോടതിയില്‍ ഹാജരാക്കാനാണ് നിര്‍ദേശം.
പ്രതി പുറത്തും ഇര അകത്തുമാണെന്നു കോടതി പരാമര്‍ശിച്ചു. പ്രതിയെ ഇതുവരെയും അറസ്റ്റു ചെയ്യാനാവാത്തത് എന്താണെന്നു കോടതി ആരാഞ്ഞു. കുട്ടിയെ കുടുംബാംഗങ്ങള്‍ക്കൊപ്പം വിട്ടുകിട്ടണമെന്നാവശ്യപ്പെട്ടു സമര്‍പ്പിച്ച ഹരജി പിന്‍വലിച്ച ശേഷം ചൈല്‍ഡ് വെല്‍ഫയര്‍ കമ്മിറ്റിയുടെ നടപടി ചോദ്യം ചെയ്തു ഹരജി സമര്‍പ്പിക്കുകയായിരുന്നു. അതിന്റെ അടിസ്ഥാനത്തിലാണ് ഹൈക്കോടതി നടപടി.