കോട്ടക്കല്‍: എസ്.കെ.എസ്.എസ്.എഫ് എടരിക്കോട് ആയുര്‍വേദ കോളജില്‍ റമദാന്‍ മുഴുവന്‍ ദിവസവും നടത്തിയ നോമ്പ്തുറ ഈദ് സംഗമത്തോടെ സമാപിച്ചു. എസ്.കെ.എസ്.എസ്.എഫ് സഹചാരി സെന്റര്‍ എടരിക്കോട് യൂനിറ്റ് റമദാന്‍ ഒന്നു മുതല്‍ എടരിക്കോട്ടെ കോട്ടക്കല്‍ ആര്യവൈദ്യ ശാലയുടെ ആയുര്‍വേദ കോളജിലെ രോഗികള്‍ക്കും അവരുടെ ആശ്രിതര്‍ക്കും നോമ്പ് തുറക്കാനുള്ള സൗകര്യവും ഭക്ഷണവും നല്‍കിയിരുന്നു.
വെസ്റ്റ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ സ്‌നേഹസംഗമം ഉദ്ഘാടനം ചെയ്തു. ഇദ്‌രീസ് മുണ്ടശ്ശേരി അധ്യക്ഷനായി. ജില്ലാ സെക്രട്ടറി ശാഫി മാസ്റ്റര്‍ ആട്ടീരി, മുഹമ്മദ്ഹനീഫ തൈക്കാടന്‍, അബ്ദുല്‍ ഖാദര്‍ ഹാജി പന്തക്കല്‍, കെ. ഇബ്രാഹീം മുസ്‌ലിയാര്‍, ജലീല്‍മണമ്മല്‍, അമീനുല്ല, ഇര്‍ശാദ് ഹുസൈന്‍ പെരിങ്ങോടന്‍, യഹ്ഖൂബ് മാസ്റ്റര്‍, ഹസന്‍ പൊട്ടിപ്പാറ സംബന്ധിച്ചു. ആശുപത്രിയിലെ ഭക്ഷണ വിതരണത്തിന് യൂനിറ്റ് ഭാരവാഹികളായ ആസിഫ് കക്കാട്ടിരി, ഉവൈസ് മണ്ടായപ്പുറം, മുഹ്‌സിന്‍ പന്തക്കല്‍ നേതൃത്വം നല്‍കി.