താമരശേരി: ഔദ്യോഗിക കൃത്യനിര്‍വഹണത്തിനിടെ വെടിയേറ്റു മരിച്ച ഫോറസ്റ്റ് ഗാര്‍ഡ് ദേവദാസിന്റെ ഏഴാം ചരമവര്‍ഷികത്തോടനുബന്ധിച്ച് ഫോറസ്റ്റ് പ്രൊട്ടക്ടീവ് സ്റ്റാഫ് അസോസിയേഷന്‍ ജില്ലാ കമ്മറ്റിയുടെ നേതൃത്വത്തില്‍ അനുസ്മരണം സംഘടിപ്പിച്ചു.
കാരാട്ട് റസാഖ് എം.എല്‍.എ ഉദ്ഘാടനം ചെയ്തു. ജില്ലാ പ്രസിഡന്റ് എന്‍. ബിജേഷ് അധ്യക്ഷനായി.
സംസ്ഥാന സെക്രട്ടറി എം.എസ് ബിനുകുമാര്‍ അനുസ്മരണ പ്രഭാഷണം നടത്തി. കോഴിക്കോട് ഡി.എഫ്.ഒ കെ.കെ സുനില്‍ കുമാര്‍, അസോസിയേഷന്‍ ഉത്തരമേഖല സെക്രട്ടറി എസ്.എന്‍ രാജേഷ്, താമരശേരി റെയ്ഞ്ച് ഓഫിസര്‍ സി. കൃഷ്ണദാസന്‍, പെരുവണ്ണാമുഴി റെയ്ഞ്ച് ഓഫിസര്‍ വി.ആര്‍ റൂബിന്‍, കുറ്റ്യാടി റെയ്ഞ്ച് ഓഫിസര്‍ പി. സുരേഷ്, എം.കെ രാജീവ് കുമാര്‍ സംസാരിച്ചു.
ജില്ലാ സെക്രട്ടറി എന്‍.കെ ഇബ്രാഹിം സ്വാഗതവും ആര്‍. റെജിമോന്‍ നന്ദിയും പറഞ്ഞു.