ആര്‍പ്പക്കര : കോട്ടയം മെഡിക്കല്‍ കോളജ്ആശുപത്രിയുടെ അത്യാഹിത വിഭാഗം റോഡില്‍, മഴവെള്ളം കെട്ടിക്കിടക്കുന്നതിനാല്‍ രോഗികളടക്കമുള്ള കാല്‍നടയാത്രക്കാര്‍ക്ക് ബുദ്ധിമുട്ട് ഉണ്ടാക്കുന്നതായി പരാതി. പുതിയ അത്യാഹിത വിഭാഗം കെട്ടിട നിര്‍മ്മാണവുമായി ബന്ധപ്പെട്ട്, നിലവിലെ അത്യാഹിത വിഭാഗം റോഡിന്റെ ഇടത് സൈഡിലുണ്ടായിരിന്ന മലിനജലം ഉള്‍പ്പെടെ വെള്ളം ഒഴുകിപ്പോകുന്നതിനായി 'ഓട' ഉണ്ടായിരുന്നു.എന്നാല്‍ പുതിയ അത്യാഹിത വിഭാഗം കെട്ടിടത്തിനായി റോഡ് നിര്‍മ്മിച്ചപ്പോള്‍, വെള്ളം ഒഴുകിപ്പോകുന്നതിനുള്ള സൗകര്യം ഉണ്ടാക്കുവാന്‍ ബന്ധപ്പെട്ടഅധികൃതര്‍ക്ക് കഴിഞ്ഞില്ല.
അതിനാല്‍ റോഡിന്റെ മേല്‍ ഭാഗത്തു നിന്നും മറ്റു ഭാഗങ്ങളില്‍ നിന്നുമുള്ള വെള്ളം ഒഴുകി വന്ന് റോഡിന്റെ താഴ്ന്ന സ്ഥലമായ അത്യാഹിത വിഭാഗത്തിന് മുന്‍പില്‍ വെള്ളം കെട്ടിക്കിടക്കുകയാണു്. വെള്ളം കെട്ടികിടക്കുന്നതിനാല്‍, അതുവഴി വാഹനങ്ങള്‍ കടന്നു വരുമ്പോള്‍ വെള്ളം തെറിച്ച് കാല്‍നടയാത്രക്കാരുടെ വസ്ത്രങ്ങള്‍ നയുകയാണ്. ആംബുലന്‍സ്, ഡോക്ടര്‍മാര്‍ അടക്കമുള്ള ജീവനക്കാരുടെ വാഹനങ്ങള്‍ ഒഴികെ ആശുപത്രി കോമ്പൗണ്ടിലേക്ക് പ്രവേശിക്കുന്ന ഇരുചക്രവാഹനം ഉള്‍പ്പെടെ മുഴുവന്‍ വാഹനങ്ങള്‍ക്കും പാര്‍ക്കിംഗ് ഫീസ് നിര്‍ബന്ധമാണ്.ഈ പാര്‍ക്കിംഗ് ഫീസ് വാങ്ങുവാന്‍ നിയോഗിച്ചിരിക്കുന്നത് കുടുംബ ശ്രീ ക്കാരെയാണ്.ഇവര്‍ രാവിലെ മുതല്‍ ഉച്ചവരെ മൂന്നു പേരും അതിനു ശേഷം രണ്ടു പേരുമാണ്ഡ്യട്ടി ചെയ്യുന്നത്.എന്നാല്‍ വാഹനങ്ങള്‍ കടന്നു പോകുമ്പോള്‍ വെള്ളം തെറിച്ച് വീണ് ഇവരുടേയും വസ്ത്രം നയുകയാണ്.ഇന്നലെ മഴ പെയ്യാതിരുന്നിട്ടും, കഴിഞ്ഞ ദിവസങ്ങളില്‍ ഉണ്ടായ മഴവെള്ളം ഇപ്പോഴും ഇവിടെ കെട്ടികിടക്കുകയാണ്. ഒഴുകി പോകുന്നതിനുള്ള സൗകര്യം ഇല്ല. അശാസ്ത്രീയമായി റോഡ് പുനര്‍ നിര്‍മ്മിച്ചതാണ് വെള്ളം ഒഴുകിപ്പോകാത്തതിന്റെ കാരണമെന്ന് പറയുന്നു. എന്നാല്‍ പുതിയ അത്യാഹിത വിഭാഗത്തിലേക്ക് വാഹനങ്ങള്‍ പ്രവേശിക്കുന്നതിനും, പോകുന്നതിനുമായി റോഡ് നിര്‍മ്മിച്ചപ്പോള്‍, പഴയ ഓട അടച്ചു കൊണ്ടുള്ള നിര്‍മ്മാണമാണു് നടത്തിയിട്ടുള്ളതെന്നും, വെള്ളം പൂര്‍ണ്ണമഹയി ഒഴുകിപ്പോകാതെ കെട്ടിക്കിടക്കുന്നത് ശ്രദ്ധയില്‍പ്പെട്ടില്ലെന്നും, അതിനാല്‍ അന്വേഷിച്ചശേഷം വേണ്ട നടപടി അടിയന്തിരമായി ചെയ്യുവാന്‍ പൊതുമരാത്ത് വകുപ്പ് അധികൃതരെ അറിയിക്കുമെന്ന് ആശുപത്രി വൃത്തങ്ങള്‍ പറഞ്ഞു.