കോഴിക്കോട്: ഏപ്രില്‍ 13ന് കോഴിക്കോട് ടാഗോര്‍ ഹാളില്‍ നടക്കുന്ന പാണക്കാട് സയ്യിദ് ഉമറലി ശിഹാബ് തങ്ങള്‍ സ്മാരക സൗധം ഉദ്ഘാടന-അനുസ്മരണ സമ്മേളനത്തിന് ചെയര്‍മാന്‍ പാണക്കാട് സയ്യിദ് ഹമീദലി ശിഹാബ് തങ്ങളുടെ അധ്യക്ഷതയില്‍ ചേര്‍ന്ന യോഗം അന്തിമരൂപം നല്‍കി.
സമസ്ത കേരള ഇസ്‌ലാം മതവിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ അനുസ്മരണ സമ്മേളനം ഉദ്ഘാടനം ചെയ്യും. കോഴിക്കോട് ഖാസി പാണക്കാട് സയ്യിദ് നാസര്‍ ഹയ്യ് ശിഹാബ് തങ്ങള്‍ പ്രാര്‍ഥന നടത്തും. അബ്ദുസ്സമദ് പൂക്കോട്ടൂരും റഹ്മത്തുല്ലാഹ് ഖാസിമി മൂത്തേടവും വിഷയമവതരിപ്പിക്കും.
വൈകിട്ട് നാലിന് നടക്കുന്ന സ്മാരക സൗധം ഉദ്ഘാടനം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉപഹാര സമര്‍പ്പണം നടത്തും. പ്രതിപക്ഷ നേതാവ് രമേശ് ചെന്നിത്തല മുഖ്യാതിഥിയാകും. ഡെപ്യൂട്ടി സ്പീക്കര്‍ വി. ശശി ബുള്ളറ്റിന്‍ പ്രകാശനം ചെയ്യും. മെട്രോ മുഹമ്മദ് ഹാജി ഏറ്റുവാങ്ങും.
സമസ്ത ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. എം.പി അബ്ദുസ്സമദ് സമദാനി അനുസ്മരണ പ്രഭാഷണം നടത്തും. പാണക്കാട് സയ്യിദ് സാദിഖലി ശിഹാബ് തങ്ങള്‍, പി.കെ കുഞ്ഞാലിക്കുട്ടി, പി.വി അബ്ദുല്‍വഹാബ് എം.പി, പാണക്കാട് അബ്ബാസ് അലി ശിഹാബ് തങ്ങള്‍, റഷീദലി ശിഹാബ് തങ്ങള്‍, ബഷീറലി ശിഹാബ് തങ്ങള്‍, മുനവ്വറലി ശിഹാബ് തങ്ങള്‍, എം.എല്‍.എമാരായ ഡോ. എം.കെ മുനീര്‍, പ്രദീപ്കുമാര്‍, പാറക്കല്‍ അബ്ദുല്ല, മുന്‍മേയര്‍ എം. ഭാസ്‌കരന്‍, അഡ്വ. ശ്രീധരന്‍പിള്ള സംബന്ധിക്കും.
കൂടിയാലോചനാ യോഗത്തില്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി സ്വാഗതം പറഞ്ഞു. എം.സി മായിന്‍ ഹാജി, ഇബ്‌റാഹീം ഹാജി തിരൂര്‍, വി.പി.എ പൊയിലൂര്‍, ഹംസ ഹാജി മൂന്നിയൂര്‍, സുലൈമാന്‍ ദാരിമി ഏലംകുളം, കുഞ്ഞഹമ്മദ് ഹാജി ബഹ്‌റൈന്‍, സി.പി ഇഖ്ബാല്‍, സി.വി.എ കബീര്‍ സംബന്ധിച്ചു.