പീരുമേട്: താന്‍ വീട്ടില്‍ നിരീക്ഷണത്തില്‍ കഴിയുകയല്ലെന്ന് എം.എല്‍.എ ഇ.എസ് ബിജിമോള്‍. മാധ്യമങ്ങള്‍ ആശയകുഴപ്പം സൃഷ്ടിക്കുകയാണ്. താന്‍ ഒരുരോഗികളുമായും നേരിട്ട് ബന്ധപ്പെട്ടിട്ടില്ല. നീരിക്ഷണത്തിലല്ല കഴിയുന്നത്. ആളുകളെ പരിഭ്രാന്തിയിലാക്കുന്ന വാര്‍ത്തകള്‍ പടര്‍ത്തരുതെന്നും ബിജിമോള്‍ കൂട്ടിച്ചേര്‍ത്തു.

അതേസമയം ഏലപ്പാറയിലെ ഒരു യോഗത്തില്‍ പങ്കെടുത്തതിനാല്‍ ബിജിമോള്‍ എം.എല്‍.എ നിരീക്ഷണത്തില്‍ പോയിരിക്കുകയാണെന്ന് മന്ത്രി എം.എം. മണിയാണ് നേരത്തെ അറിയിച്ചത്. ഇക്കാര്യമാണ് എം.എല്‍.എ നിഷേധിക്കുന്നത്. ഇടുക്കി ജില്ലയില്‍ മൂന്നുപേര്‍ക്ക് കൂടി രോഗബാധ സ്ഥിരീകരിച്ചിരുന്നു. തൊടുപുഴ നഗരസഭ കൗണ്‍സിലര്‍, ജില്ല ആശുപത്രിയിലെ നഴ്‌സ്, മരിയാപുരം സ്വദേശി എന്നിവര്‍ക്കാണ് പുതുതായി രോഗബാധ സ്ഥിരീകരിച്ചത്.