വട്ടപ്പാറ: കാര്‍ നിയന്ത്രണം വിട്ട് കുഴിയിലേക്ക് മറിഞ്ഞ് കുട്ടികളടക്കം മൂന്ന് പേര്‍ക്കു പരുക്ക്. വട്ടപ്പാറ പള്ളിവിളയ്ക്ക് സമീപമാണ് മാരുതി സ്വിഫ്റ്റ് കാര്‍ റോഡില്‍ നിന്നും അമ്പതടി താഴ്ച്ചയുള്ള കുഴിയിലേക്ക് മറിഞ്ഞത്. വ്യാഴാഴ്ച്ച വൈകിട്ട് നാലു മണിയോടെയായിരുന്നു അപകടം. ചൂഴമ്പാഴ നിന്നും വട്ടപ്പാറ ഒഴുകുപാറയിലേക്ക് വരവെ കാറിന്റെ ടയര്‍ പഞ്ചറയതിനെ തുടര്‍ന്ന് നിയന്ത്രണം വിട്ട് കുഴിയിലേക്ക് മറിയുകയായിരുന്നു. കാറോടിച്ചിരുന്ന ഒഴുകുപാറ തച്ചൂര്‍ വീട്ടില്‍ അനില്‍, ജ്യേഷ്ഠന്റെ മക്കളായ കാര്‍ത്തിക് (10), അഭിരാമി (8) എന്നിവര്‍ക്കാണ് പരുക്കേറ്റത്. ഇവരെ നാട്ടുകാര്‍ തിരുവനന്തപുരം മെഡിക്കല്‍കോളജില്‍ എത്തിച്ചു.