റിയാദ്: സഊദിയിൽ കഴിഞ്ഞ 24 മണിക്കൂറിനിടെ എട്ടു പേർക്ക് വൈറസ് ബാധയേറ്റു മരണപ്പെട്ടതായും 1266 പുതിയ വൈറസ് ബാധ സ്ഥിരീകരിച്ചതായും സഊദി ആരോഗ്യ മന്ത്രാലയം അറിയിച്ചു. ഇതോടെ രാജ്യത്തെ വൈറസ് ബാധിതരുടെ എണ്ണം ഇരുപതിനായിരം കവിഞ്ഞു. മരണ സംഖ്യ 152 ആയും ഉയർന്നിട്ടുണ്ട്. സഊദി ആരോഗ്യ മന്ത്രാലയ വക്താവ് ഡോ: മുഹമ്മദ് അബ്ദുൽ ആലി ഇവിടെ നടത്തിയ വാർത്താ സമ്മേളനത്തിലാണ് ഏറ്റവും പുതിയ വൈറസ് ബാധ വിവരങ്ങൾ വെളിപ്പെടുത്തിയിയത്. നിലവിൽ രാജ്യത്തെ വൈറസ് ബാധിതർ 20077 ആയാണ് ഉയർന്നത്. ഇവരിൽ 17141 പേരാണ് ചികിത്സയിൽ കഴിയുന്നത്. ഇതില്‍ 118 പേര്‍ ഗുരുതരാവസ്ഥയിലുണ്ട്. 2784 ആളുകൾ വൈറസ് ബാധയിൽ നിന്നും മോചനം നേടുകയും ചെയ്‌തിട്ടുണ്ട്‌.

#الصحة⁩ تعلن عن تسجيل (1266) حالة إصابة جديدة بفيروس ⁧#كورونا⁩ الجديد (كوفيد19)، وتسجيل (8) حالات وفيات رحمهم الله، وتسجيل (253) حالة تعافي ليصبح إجمالي عدد الحالات المتعافية (2784) حالة ولله الحمد. pic.twitter.com/W5jVD2GqO7

— و ز ا ر ة ا لـ صـ حـ ة السعودية (@SaudiMOH) April 28, 2020

       മക്കയിലാണ് ഏറ്റവും കൂടുതൽ വൈറസ് ബാധ കണ്ടെത്തിയത്. 327 എണ്ണം. മദീനയിൽ 273, ജിദ്ദ 262, റിയാദ് 171, ജുബൈൽ 58, ദമാം 35, ത്വായിഫ് 32, തബൂക് 29, അൽസുൽഫി 18, ഖുലൈസ് 09, ബുറൈദ 08, ഖോബാർ 07, ഹുഫൂഫ് 05, ഖത്വീഫ്, റാസ്‌തന്നൂറ (04 വീതം), അദും 03, അൽ ജഫ്‌ർ, അൽ മജാരിദ, യാമ്പു, ബീഷ, ദിരിയ (02 കേസുകൾ വീതം), അബഹ, ഖമീസ് മുശൈത്, ബഖീഖ്, ദഹ്‌റാൻ, ദലം, സ്വാബിയ, ഹഫർ അൽ ബാത്വിൻ, ഹായിൽ, സകാക, വാദി അൽ ദവാസിർ, സാജിർ എന്നിവിടങ്ങളിൽ ഓരോ വൈറസ് ബാധയുമാണ് ചൊവ്വാഴ്ച്ച സ്ഥിരീകരിച്ചത്.
നിലവിൽ ഏറ്റവും കൂടുതൽ വൈറസ് ബാധിതർ മക്കയിലാണ്. മക്കയിൽ 4804, റിയാദ് 3596, മദീന 3522, ജിദ്ദ 3411, ദമാം 1096 ഹുഫൂഫ് 984, ജുബൈൽ 395 എന്നിങ്ങനെയാണ് പ്രധാന നഗരങ്ങളിലെ വൈറസ് ബാധ.