കൊച്ചി: സ്വശ്രയ മെഡിക്കല്‍ കോളജ് വിദ്യാര്‍ഥികള്‍ക്ക് തിരിച്ചടിയായി ഹൈക്കോടതി വിധി. സ്വാശ്രയ മെഡിക്കല്‍ ഫീസ് വര്‍ധിപ്പിക്കണമെന്ന് മാനേജ്‌മെന്റുകളുടെ ആവശ്യം ഹൈക്കോടതി അംഗീകരിച്ചു. രണ്ടു മാസത്തിനകം പുതുക്കിയ ഫീസ്ഘടന കൊണ്ടു വരണമെന്ന് കോടതി നിര്‍ദ്ദേശിച്ചു. അതുവരെ നിലവിലുള്ള ഫീസ് തുടരാം.

നേരത്തെ ഫീസ് നിശ്ചയിച്ച കമ്മിറ്റിക്ക് കോറം തികഞ്ഞില്ല. നിലവില്‍ 21 കോളജുകള്‍ക്ക് 4.68 ലക്ഷം മുതല്‍ 5.30 ലക്ഷം വരെയാണ് ഫീസ്. ഇപ്പോള്‍ പതിനൊന്ന് ലക്ഷമാണ് മാനേജ്മന്റുകള്‍ ആവശ്യപ്പെടുന്നത്.