മനാമ: പെരുന്നാളിനോടനുബന്ധിച്ച് ബഹ്‌റൈനില്‍ രാജകാരുണ്യം. വിവിധ കേസുകളില്‍ പെട്ട് ബഹ്‌റൈനിലെ ജയിലില്‍ കഴിയുന്ന 155 തടവുകാര്‍ക്ക് മോചനത്തിന് വഴി തെളിഞ്ഞു.

ജയില്‍ ശിക്ഷ ഭാഗികമായി അനുഭവിക്കുകയും ശിക്ഷ കാലയളവില്‍ മികച്ച രീതിയില്‍ പെരുമാറുകയും ചെയ്ത 155 പേരെയാണ് ബഹ്‌റൈന്‍ രാജാവ് ഹമദ് ബിന്‍ ഈസ ആല്‍ ഖലീഫ മോചിപ്പിച്ചതായി പ്രഖ്യാപിച്ചത്.

ഇന്ത്യക്കാരുള്‍പ്പെടെയുള്ളവര്‍ മോചിതരായവരില്‍ ഉള്‍പ്പെടുമെങ്കിലും ഇവരുടെ പേരുവിവരങ്ങള്‍ ലഭ്യമായിട്ടില്ല. മുന്‍ വര്‍ഷങ്ങളിലും റമദാനിലും പെരുന്നാളിനോടനുബന്ധിച്ചും രാജാവ് തടവുകാര്‍ക്ക് മോചനം നല്‍കിയിരുന്നു.