തിരുവനന്തപുരം: ഈ വര്‍ഷം മാര്‍ച്ച് 15 മുതല്‍ ഏപ്രില്‍ 30 വരെയുള്ള കാലയളവില്‍ കാലാവധി അവസാനിക്കുന്ന സംസ്ഥാന മലിനീകരണ നിയന്ത്രണ ബോര്‍ഡില്‍ നിന്നുള്ള അനുമതി പത്രങ്ങളുടെ അഥവാ ഓതറൈസേഷനുകളുടെ സാധുത ജൂണ്‍ 30 വരെ നീട്ടി.
ഈ കാലയളവില്‍ കാലാവധി അവസാനിക്കുന്ന വ്യവസായങ്ങളുടെയും മറ്റിതര സ്ഥാപനങ്ങളുടെയും അനുമതിപത്രം, ഓതറൈസേഷന്‍ എന്നിവയുടെ കാലാവധിയാണ് നീട്ടിയത്. അനുമതി പത്രത്തിലെ മറ്റു വ്യവസ്ഥകളെല്ലാം മാറ്റമില്ലാതെ തുടരും.
വ്യവസായ സ്ഥാപനങ്ങള്‍ ഉള്‍പ്പടെയുള്ളവ അനുമതിപത്രം, ഓതറൈസേഷന്‍ പുതുക്കുന്നതിനുള്ള ഓണ്‍ലൈന്‍ അപേക്ഷ മെയ് 31നു മുന്‍പ് സമര്‍പ്പിക്കണമെന്നും ചെയര്‍മാന്‍ അറിയിച്ചു.