സിഡ്‌നി: ഇതിഹാസ ഫിലിപ്പൈന്‍ താരം മാനി പാക്വിയാവോ ആസ്‌ത്രേലിയന്‍ താരം ജെഫ് ഹോണിനെതിരേ മത്സരിക്കും. ആമിര്‍ഖാനുമായുള്ള മത്സരം നടക്കാത്തതിനെ തുടര്‍ന്നാണ് പാക്വിയാവോ പുതിയ എതിരാളിയെ തെരഞ്ഞെടുത്തത്. ജുലൈയിലായിരിക്കും മത്സരം നടക്കുക. റമദാനെ തുടര്‍ന്നാണ് ആമിര്‍ ഖാന്‍ മത്സരിക്കാതിരിക്കുന്നതെന്ന് അദ്ദേഹവുമായി അടുത്ത വൃത്തങ്ങള്‍ വ്യക്തമാക്കി. അപരാജിതനായ താരമാണ് ജെഫ് ഹോണ്‍. അതുകൊണ്ട് തന്നെ പോരാട്ടം കനക്കും.