തിരുവനന്തപുരം: കേരളത്തിലെ ക്ഷേത്രങ്ങളില്‍ ആനകള്‍ക്കെതിരെ നടക്കുന്ന ക്രൂരതകള്‍ തുറന്നുകാണിക്കുന്ന 'ഗോഡ്‌സ് ഇന്‍ ഷാക്കിള്‍സ്' (ചങ്ങലയ്ക്കിട്ട ദൈവങ്ങള്‍) എന്ന ഡോക്യുമെന്ററിയുടെ പ്രദര്‍ശനം ഇന്ന് നടക്കും.
ഇന്ന് രാവിലെ 11 മുതല്‍ 12.35 വരെ കലാഭവന്‍ തീയേറ്ററിലാണ് പ്രദര്‍ശനം. മുഖ്യമന്ത്രി പിണറായി വിജയന്‍, വിദ്യാഭ്യാസമന്ത്രി സി.രവീന്ദ്രനാഥ്, ദേവസ്വം മന്ത്രി കടകംപള്ളി സുരേന്ദ്രന്‍, സാംസ്‌കാരികമന്ത്രി എ.കെ.ബാലന്‍, വനം മന്ത്രി കെ.രാജു, അഡീഷണല്‍ ചീഫ് സെക്രട്ടറി നളിനി നെറ്റോ എന്നിവരും പ്രദര്‍ശനത്തിനെത്തും. ചലച്ചിത്രകാരിയും പത്രപ്രവര്‍ത്തകയുമായ സംഗീത അയ്യരാണ് ഡോക്യുമെന്ററി സംവിധാനം ചെയ്തിരിക്കുന്നത്.