ദമാം: കൊവിഡ് ബാധ സംശയിക്കുന്നവരെ പാര്‍പ്പിക്കാന്‍ കിഴക്കന്‍ സഊദിയില്‍ കൂറ്റന്‍ കേന്ദ്രങ്ങള്‍ ഒരുങ്ങി.
സഊദി വ്യാവസായിക മന്ത്രാലയത്തിന്റെ കീഴിലാണ് കിഴക്കന്‍ പ്രവിശ്യയിലെ വ്യാവസായിക കേന്ദ്രങ്ങളിലൊന്നായ ദമാം സെക്കന്‍ഡ് ഇന്‍ഡസ്ട്രിയല്‍ സിറ്റിയില്‍ താല്‍ക്കാലിക കേന്ദ്രം നിര്‍മിച്ചിരിക്കുന്നത്.
കിഴക്കന്‍ പ്രവിശ്യാ ഗവര്‍ണര്‍ സഊദ് ബിന്‍ നായിഫിന്റെ നിര്‍ദേശത്തെ തുടര്‍ന്ന് ആരോഗ്യ മന്ത്രാലയവുമായി സഹകരിച്ചാണ് വ്യാവസായിക മന്ത്രാലയം കേന്ദ്രങ്ങളൊരുക്കിയത്.
ഒരു ദശലക്ഷം ചതുരശ്ര മീറ്റര്‍ വിസ്തീര്‍ണമുള്ള 202 റെസിഡന്‍ഷ്യല്‍ കെട്ടിടങ്ങളില്‍ ഏകദേശം 25,000 തൊഴിലാളികളെ ഉള്‍ക്കൊള്ളാന്‍ കഴിയും.