കോവളം: ബൈക്ക് യാത്രികരെ തടഞ്ഞു നിര്‍ത്തി അക്രമി സംഘം വെട്ടി പരിക്കേല്‍പ്പിച്ചു.
ബൈക്ക് യാത്രക്കാരായ രണ്ടുപേര്‍ക്കും അക്രമി സംഘത്തിലെ ഒരാളും ഉള്‍പ്പെടെ മൂന്നുപേര്‍ക്ക് വെട്ടേറ്റു.മൂവരെയും ആശുപത്രിയില്‍ പ്രവേശിപ്പിച്ചു.അക്രമം നടത്തിയവരില്‍ ഒരാളെ കോവളം പൊലിസ് കസ്റ്റഡിയിലെടുത്തു. ഗുരുതരമായി പരുക്കേറ്റ ബൈക്ക് യാത്രക്കാരായ കോവളം പടിഞ്ഞാറെ പൂങ്കുളം കുഴിയന്‍വിള വീട്ടില്‍ സുരേഷ്ബാബു(36)സുഹൃത്ത് സുധീര്‍ എന്ന് വിളിക്കുന്ന രതീഷ് (35) എന്നിവരെ മെഡിക്കല്‍കോളേജ് ആശുപത്രിയിലും അക്രമി സംഘത്തിലെ കല്ലടിച്ചാന്‍മൂല സ്വദേശി സതീഷ്‌കുമാറിനെ ജനറല്‍ ആശുപത്രിയിലും പ്രവേശിപ്പിച്ചു.കല്ലടിച്ചാന്‍മൂല സ്വദേശികളായ ഹരിച്ചന്ദ്രന്‍,വിനായകന്‍,ഉണ്ണി കണ്ടാലറിയാവുന്ന അഞ്ചുപേര്‍ എന്നിവര്‍ക്കെതിരെ കൊലപാതക ശ്രമത്തിന് കോവളം പൊലിസ് കേസെടുത്തു.
ഇന്നലെ രാതി ഒന്‍പതരയോടെ പടിഞ്ഞാറെ പൂങ്കുളത്തെ ഒരു സ്വകാര്യ ആശുപത്രിക്ക് സമീപത്തായിരുന്നു സംഭവം.ബൈക്കിലെത്തിയ യുവാക്കളെ തടഞ്ഞുനിര്‍!ത്തിയ അക്രമികള്‍ കമ്പിപാരകൊണ്ട് അടിച്ച് വീഴ്ത്തി വാളുകൊണ്ട് വെട്ടുകയായിരുന്നുവെന്ന് കോവളം എസ്.ഐ അറിയിച്ചു. പരുക്കേറ്റവരെ നാട്ടുകാരാണ് ആശുപത്രിയില്‍ എത്തിച്ചത്.അക്രമത്തിന് കാരണം മുന്‍വൈരാഗ്യമാണെന്ന് പൊലിസ്പറഞ്ഞു.ഹരിച്ചന്ദ്രനാണ് പോലീസ് കസ്റ്റഡിയിലുള്ളത് മറ്റുള്ളവര്‍ക്കായുള്ള തെരച്ചില്‍ ഊര്‍ജ്ജിതമാക്കി.