മുംബൈ: കോണ്‍ഗ്രസ് അധ്യക്ഷ സോണിയാഗാന്ധിക്കെതിരായ വിവാദ പരാമര്‍ശത്തിലെ കേസില്‍ റിപ്പബ്ലിക് ടി.വി എഡിറ്റര്‍ ഇന്‍ ചീഫും സംഘ്പരിവാര്‍ അനുകൂല മാധ്യമപ്രവര്‍ത്തകനുമായ അര്‍ണബ് ഗോസ്വാമിയെ മുംബൈ പൊലിസ് ചോദ്യം ചെയ്തു.
കഴിഞ്ഞ ദിവസം മുംബൈയിലെ എന്‍.എം ജോഷി മാര്‍ഗ് പൊലിസ് സ്റ്റേഷനിലായിരുന്നു ചോദ്യം ചെയ്യല്‍.
തന്നെ പൊലിസ് 12 മണിക്കൂറോളം ചോദ്യം ചെയ്‌തെന്നായിരുന്നു അര്‍ണബ് വ്യക്തമാക്കിയത്.
മഹരാഷ്ട്രയില്‍ സന്യാസികളെ ആക്രമിച്ച കേസിലെ ചാനല്‍ ചര്‍ച്ചയ്ക്കിടെ വര്‍ഗീയ പ്രശ്‌നമുണ്ടാക്കുന്ന രീതിയില്‍ സംസാരിച്ചെന്നായിരുന്നു അര്‍ണബിനെതിരേ കോണ്‍ഗ്രസ് നേതാക്കള്‍ നല്‍കിയ പരാതി.
തന്റെ പരാമര്‍ശങ്ങളില്‍ ഉറച്ചുനില്‍ക്കുന്നതായായിരുന്നു ചോദ്യം ചെയ്യലിനു ശേഷം അര്‍ണബിന്റെ പ്രതികരണം.