കൊണ്ടോട്ടി: ദുബൈയില്‍ നിന്ന് കരിപ്പൂരിലെത്തിയ യാത്രക്കാരനില്‍ നിന്ന് 457 ഗ്രാം സ്വര്‍ണം എയര്‍ കസ്റ്റംസ് ഇന്റലിജന്‍സ് പിടികൂടി. കണ്ണൂര്‍ പൊയിലൂര്‍ തെക്കയില്‍ റിനീഷില്‍ നിന്നാണ് 14.10 ലക്ഷം രൂപയുടെ സ്വര്‍ണം പിടിച്ചത്.
എയര്‍ഇന്ത്യ എക്‌സ്പ്രസ് വിമാനത്തിലാണ് ഇയാള്‍ കരിപ്പൂരിലെത്തിയത്. ലേഡീസ് പഴ്‌സ്, ഹെയര്‍ സ്‌ട്രെയ്റ്റ്‌നര്‍, കപ്പ്, ഫാന്‍സി ബ്രേസ്‌ലെറ്റ്, മൗത്ത് ഓര്‍ഗന്‍, വാച്ച് എന്നിവക്കുളളില്‍ വിവിധ രൂപത്തിലാക്കി കടത്താനായിരുന്നു ശ്രമം. കസ്റ്റംസ് സൂപ്രണ്ടുമാരായ ഡാല്‍റ്റന്‍ ഫ്രാന്‍സിസ്, വിനയകുമാര്‍, ഇന്‍സ്‌പെക്ടര്‍മാരായ സത്യമേന്ദ്രസിങ്, എം. ജയന്‍, എന്‍.പി. ഗോപിനാഥ്, അഭിനവ് സിങ്, ഹവില്‍ദാര്‍മാരായ ഹരിദാസ്, വേലായുധന്‍ എന്നിവരടങ്ങിയ സംഘമാണ് സ്വര്‍ണം പിടികൂടിയത്.