കാബൂള്‍: അഫ്ഗാനിസ്ഥാന്റെ കിഴക്കന്‍ നഗരമായ നംഗര്‍ഹറിലുണ്ടായ ചാവേര്‍ ആക്രമണത്തില്‍ 14 പേര്‍ മരിച്ചു. താലിബാന്‍-അഫ്ഗാന്‍ നേതാക്കളെ ലക്ഷ്യമാക്കി ശനിയാഴ്ച നംഗര്‍ഹാറില്‍ ആക്രമണം നടന്നിരുന്നു. ഇതിനു പിന്നലെയാണ് ഇന്നലെ വീണ്ടും ആക്രമണം. ഗവര്‍ണറുടെ പ്രാദേശിക ഓഫിസിന് സമീപമാണ് ആക്രമണമുണ്ടായത്.
സംഭവത്തില്‍ 45 പേര്‍ക്ക് പരുക്കേറ്റെന്ന് നംഗഹര്‍ ഗവര്‍ണറുടെ വക്താവ് അതാഹുല്ല കോഗ്യാനി പറഞ്ഞു. ആക്രമണത്തിന്റെ ഉത്തരവാദിത്വം ആരും ഇതുവരെ ഏറ്റെടുത്തിട്ടില്ല.