കരുനാഗപ്പള്ളി: കഞ്ചാവും കോടയും ചാരായവുമായി സ്ത്രീ ഉള്‍പ്പെടെ നാലുപേര്‍ പിടിയില്‍. 150 ലിറ്റര്‍ കോടയും വാറ്റുപകരണങ്ങളുമായി കരുനാഗപ്പള്ളി കല്ലുംമൂട് പാലത്തിനു സമീപം ചാപ്രയില്‍ വീട്ടില്‍ സജീവ(43) നെ അറസ്റ്റ് ചെയ്തു. വിവാഹവീടുകളില്‍ ദീപാലങ്കാരം നല്‍കി വരുന്ന ആളാണ് സജീവ്. ഇതിനോടൊപ്പമാണ് ചാരായവും വാറ്റി നല്‍കിവന്നിരുന്നു. 20 ലിറ്റര്‍ ചാരായം വാറ്റി വില്‍പനയ്ക്കായി വീട്ടില്‍ സൂക്ഷിച്ചിരുന്ന വീട്ടമ്മ പാവുമ്പതെക്ക് തെക്കുടക്കത്ത് തെക്കതില്‍ അനിത (43) യെയും എക്‌സൈസ് സംഘം പിടികൂടി. ഇവരുടെ വീട്ടില്‍ നിന്നും വാറ്റുപകരണങ്ങളും കസ്റ്റഡിയില്‍ എടുത്തു.
കഞ്ചാവു വില്‍പനയ്ക്കിടെ തൊടിയൂര്‍ പുലിയൂര്‍ വഞ്ചി തെക്ക് ലക്ഷംവീട് കോളനിയില്‍ നാസറി ( 47 ) നെയും എക്‌സൈസ് അറസ്റ്റ് ചെയ്തു. ഇയാള്‍ കോളനികള്‍ കേന്ദ്രീകരിച്ച് കഞ്ചാവ് വില്‍പന നടത്തി വരികയായിരുന്നു. 50 ഗ്രാം കഞ്ചാവ് ഇയാളില്‍ നിന്നു കണ്ടെടുത്തു. കരുനാഗപ്പള്ളി റെയില്‍വേ പരിസരത്തു കഞ്ചാവു വില്‍പന നടത്തിവരുന്ന കടമ്പനാട് കിഴിയാലദേശത്ത് അംബിക ഭവനത്തില്‍ വിഷ്ണു ലാലി(21) നെയും കരുനാഗപ്പള്ളി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ സി.കെ സജികുമാറിന്റെ നേതൃത്വത്തിലുള്ള പരിശോധനയില്‍ പ്രിവന്റിവ് ഓഫിസര്‍മാരായ പി.എല്‍.വിജിലില്‍, എ. അജിത്കുമാര്‍, സിവില്‍ എക്‌സൈസ് ഓഫിസര്‍മാരായ എസ്. സന്തോഷ്, എസ്. കിഷോര്‍, അനില്‍ കുമാര്‍, ശ്രീകുമാര്‍, അനില്‍കുമാര്‍ എന്നിവരടങ്ങിയ സംഘമാണ് അറസ്റ്റ് ചെയ്തത്.