കുന്ദമംഗലം: കുന്ദമംഗലത്തും പരിസരത്തും പേപ്പട്ടിയുടെ കടിയേറ്റ് പത്തുപേര്‍ക്ക് പരുക്ക്. ഇന്ന് ഉച്ചയോടെടെയാണ് കൊടുവള്ളിയില്‍ നിരവധി പേരെ കടിച്ചെത്തിയ പേപ്പട്ടി കുന്ദമംഗലത്തും പരിസരത്തും ഭീതി സൃഷ്ടിച്ചത്.
കുന്ദമംഗലം കുഴലിപറമ്പ് ദേവസ്യ (62), കുന്ദമംഗലം വാഴക്കുഴി പുറായി കുട്ട്യാലി (85) എന്നിവര്‍ക്കാണ് കുന്ദമംഗലത്ത് വച്ച് കടിയേറ്റത്. പയമ്പ്ര സ്വദേശികളായ കൂട്ടുമുക്കിപറമ്പ് സദാനന്ദന്‍ (62), മുരണ്ടമ്മല്‍ സൈഫുന്നിസ (27) എന്നിവര്‍ക്ക് പയിമ്പ്രയില്‍ വച്ചും കടിയേറ്റു. പെരിങ്ങൊളത്ത് ഒരു വയോധികനും സ്‌കൂള്‍ വിട്ടുമടങ്ങുകയായിരുന്ന രണ്ട് വിദ്യാര്‍ഥികള്‍ക്കും മറ്റു സ്ഥലങ്ങളിലുള്ള മൂന്ന് പേര്‍ക്കും കടിയേറ്റിട്ടുണ്ട്. പരിക്കേറ്റവരെ കോഴിക്കോട് മെഡിക്കല്‍കോളജ് ആശുപത്രിയില്‍ പ്രവേശിപ്പിച്ചു.
ദേവസ്യയുടെ പരിക്ക് ഗുരുതരമാണ്. ഇയാളെ കുന്ദമംഗലം ബസ് സ്റ്റാന്‍ഡില്‍ വെച്ചാണ് നായ ആക്രമിച്ചത്. വളര്‍ത്തുമൃഗങ്ങളേയും നായ കടിച്ചിട്ടുണ്ട്.