കോഴിക്കോട്: കഴിഞ്ഞ പരിസ്ഥിതി ദിനത്തിലും തുടര്‍ന്നും ജില്ലയില്‍ നട്ട വൃക്ഷത്തൈകള്‍ ഈ വേനല്‍കാലത്തും സംരക്ഷിക്കുന്നവര്‍ക്ക് ഗ്രീന്‍ ക്ലീന്‍ കോഴിക്കോട് പദ്ധതിയുടെ ഭാഗമായി സമ്മാനങ്ങള്‍ നല്‍കുന്നു. വൃക്ഷത്തൈകളുടെ ഇപ്പോഴത്തെ ഫോട്ടോ എടുത്ത് ഗ്രീന്‍ക്ലീന്‍എര്‍ത്ത്. കോം എന്ന വെബ് സൈറ്റില്‍ അപ്‌ലോഡ് ചെയ്താല്‍ നറുക്കെടുപ്പിലൂടെ തിരഞ്ഞെടുക്കുന്നവര്‍ക്ക് സമ്മാനങ്ങള്‍ നല്‍കുമെന്ന് ഭാരവാഹികള്‍ അറിയിച്ചു. താല്‍പര്യമുള്ളവര്‍ 9645119474 നമ്പറില്‍ ബന്ധപ്പെടണം. ജിസം ഫൗണ്ടേഷന്‍ എക്‌സിക്യൂട്ടീവ് ഡയറക്ടര്‍ കെ. ഇഖ്ബാല്‍, ആര്‍. സജിലാല്‍, സതീശന്‍ കോവേത്ത്, വി.പി അഷ്‌റഫ് പന്നൂര്‍, എസ്. ബഷീറലി, അന്‍വര്‍ സാദിഖ്, അമീര്‍ കുറ്റിച്ചിറ വാര്‍ത്താസമ്മേളനത്തില്‍ സംബന്ധിച്ചു.