കോട്ടയം: കോട്ടയം മണിമലയില്‍ ആനയിടഞ്ഞു. തടിപിടിക്കുന്നതിനിടെ ഇടഞ്ഞ ആന ഓട്ടോറിക്ഷ തകര്‍ത്തു. ഇന്നു രാവിലെ ഒമ്പതിനായിരുന്നു സംഭവം. ആനപ്പുറത്തിരുന്ന പാപ്പാന്‍ സജിക്ക് താഴെവീണ് പരിക്കേറ്റു.

വാഴൂര്‍ കല്ലൂത്താഴെ രാജേന്ദ്രന്റെ സുന്ദര എന്ന ആനയാണ് ഇടഞ്ഞത്. റോഡരികില്‍ പാര്‍ക്ക് ചെയ്തിരുന്ന ഓട്ടോറിക്ഷയാണ് ആന തകര്‍ത്തത്. പള്ളിക്കത്തോട് പൊലിസ് സ്ഥലത്തെത്തി. സംഭവമറിഞ്ഞ് വന്‍ ജനാവലിയും സ്ഥലത്ത് തടിച്ചുകൂടിയിരുന്നു.