കൊണ്ടോട്ടി: സമസ്ത കേരള ജംഇയ്യതുല്‍ മുദരിസീന്‍ അംഗങ്ങളായ കേരളത്തിനകത്തും പുറത്തുമുള്ള മുദരിസുമാര്‍ക്ക് ലോക്ക് ഡൗണ്‍ കാലത്ത് നല്‍കപ്പെടുന്ന സഹായ ധനത്തിന്റെ വിതരണോദ്ഘാടനം സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നിര്‍വഹിച്ചു. അബൂബക്കര്‍ ഫൈസി, കെ. ഇബ്‌റാഹീം മുസ്‌ലിയാര്‍, അബ്ദുല്‍ ഗഫൂര്‍ ദാരിമി മുണ്ടക്കുളം, അബ്ദുല്‍ കരീം ദാരിമി മുതുവല്ലൂര്‍ സംബന്ധിച്ചു. ജംഇയ്യതുല്‍ മുദരിസീന്‍ ജില്ലാ സെക്രട്ടറിമാര്‍ നല്‍കുന്ന വിവരമനുസരിച്ച് എല്ലാ മുദരിസുമാരുടെയും അക്കൗണ്ടുകളിലേക്ക് നാളെ മുതല്‍ ആയിരം രൂപ വീതം അയക്കുന്നതാണെന്നു സംസ്ഥാന സെക്രട്ടറി എ.വി അബ്ദുറഹ്മാന്‍ മുസ്‌ലിയാര്‍ അറിയിച്ചു.