തിരുവനന്തപുരം: ഭക്ഷ്യസുരക്ഷാ വകുപ്പിന്റെ ഓപ്പറേഷന്‍ സാഗര്‍ റാണിയുടെ ഭാഗമായി വിവിധ ജില്ലകളില്‍ കഴിഞ്ഞ അഞ്ചു ദിവസങ്ങളിലായി നടന്ന പരിശോധനകളില്‍ 9,347 കിലോഗ്രാം ഉപയോഗശൂന്യമായ മത്സ്യം പിടികൂടി.
യഥാക്രമം 7,366, 1300, 161, 58, 462 കിലോ എന്നിങ്ങനെയാണ് അഞ്ചു ദിവസങ്ങളിലായി നടന്ന പരിശോധനയില്‍ മത്സ്യം പിടിച്ചെടുത്തു നശിപ്പിച്ചത്. ഇന്നലെ സംസ്ഥാനത്താകെ 262 കേന്ദ്രങ്ങളിലാണ് പരിശോധന നടന്നത്. 22 പേര്‍ക്കു നോട്ടിസ് നല്‍കി. ഏപ്രില്‍ നാലിനാരംഭിച്ച ഓപ്പറേഷന്‍ സാഗര്‍ റാണിയിലൂടെ ഇതുവരെ 1.59 ലക്ഷം കിലോ ഉപയോഗശൂന്യമായ മത്സ്യമാണ് പിടികൂടി നശിപ്പിച്ചത്.