കാട്ടൂര്‍: താണിശ്ശേരി തെക്കേകാവുപുരയില്‍ വച്ചു 13നു വൈകീട്ട് 3.30നു ഓട്ടോഡ്രൈവറായ മണപ്പെട്ടി വീട്ടില്‍ സുരേഷിനെ പ്രതിയായ താണിശ്ശേരി സ്വദേശിയായ കൂനമ്മാവ് വീട്ടില്‍ പോള്‍ മാത്യൂ എന്ന പോളുട്ടന്‍ മുന്‍വൈരാഗ്യം മൂലം തടഞ്ഞു നിര്‍ത്തി അടിച്ചു വീഴ്ത്തുകയും കരിങ്കല്ലു കൊണ്ടു അടിച്ചു പരുക്കേല്‍പ്പിക്കുകയായിരുന്നു.
പ്രതിയുടെ ആക്രമണത്തില്‍ സുരേഷിന്റെ ഇടതു കൈയുടെ എല്ല് ഒടിയുകയും തുടര്‍ന്നു ആശുപത്രിയില്‍ ശസ്ത്രക്രിയക്കു വിധേയനാക്കുകയും ചെയ്തു. തുടര്‍ന്നുള്ള അന്വേഷണത്തിനിടെയാണു പ്രതിയെ കാട്ടൂര്‍ എസ്.ഐ ഇ.ആര്‍ ബൈജു, അസി. സജീവ് കുമാര്‍ , സി.പി.ഒ ഷൗക്കര്‍ ചേര്‍ന്ന് അറസ്റ്റു ചെയ്തത്. കോടതിയില്‍ ഹാജരാക്കിയ പ്രതിയെ 14 ദിവസത്തേക്കു റിമാന്‍ഡ് ചെയ്തു.