കോട്ടയം: പുതിയ കെ.എസ്.യു ഭാരവാഹികള്‍ ചുമതലയേറ്റു. ചടങ്ങ്  ഐ'ഗ്രൂപ്പ് ബഹിഷ്‌ക്കരിച്ചു. തെരഞ്ഞെടുപ്പില്‍ രണ്ടാമത് എത്തിയ ഐ ഗ്രൂപ്പിലെ ടി.എം.അന്‍ഷാദിനെ സത്യപ്രതിജ്ഞ ചെയ്യാന്‍ അനുവദിച്ചില്ലെന്നാരോപിച്ചായിരുന്നു ഇവരുടെ പ്രതിഷേധം.
തെരഞ്ഞെടുപ്പ് നടപടിക്രമം അനുസരിച്ച് രണ്ടാമതാകുന്നയാള്‍ വൈസ് പ്രസിഡന്റ് പദവിയിലെത്തും. എന്നാല്‍, തെരഞ്ഞെടുപ്പിനിടെ അന്‍ഷാദിനെ മുരളി വിഭാഗം വരണാധികാരിക്ക് പരാതി നല്‍കിയിരുന്നു.അന്‍ഷാദ് വിദ്യാര്‍ഥിയല്ലെന്നും വ്യാജരേഖകളാണ് മത്സരിക്കുന്നതിനായി ഹാജരാക്കിയതെന്നും മുരളി വിഭാഗം പാരതിയില്‍ ചൂണ്ടിക്കാട്ടിയിരുന്നു. ഇതിനെചൊല്ലി അനിശ്ചത്വം നിലനില്‍ക്കുന്നതിനിടെയാണ്  വെള്ളിയാഴ്ച പുതിയ ജില്ലാ കമ്മിറ്റി ചുമതലയേറ്റെടുത്തത്.
ചടങ്ങ് തുടങ്ങിയതോടെ തെരഞ്ഞെടുപ്പില്‍ രണ്ടാം സ്ഥാനത്ത് എത്തിയ  അന്‍ഷാദിനെ വൈസ് പ്രസിഡന്റായി സത്യപ്രതിജ്ഞ ചെയ്യിക്കണമെന്ന് ഐ ഗ്രൂപ്പ ്ആവശ്യപ്പെട്ടങ്കിലും എ വിഭാഗം അംഗീകരിച്ചില്ല. പരാതിയില്‍ തീര്‍പായിട്ടില്ലെന്നും എം.അന്‍ഷാദിനെ തല്‍ക്കാലം മാറ്റിനിര്‍ത്താനാണ് എന്‍.എസ്.യു നേതൃത്വം വ്യക്തമാക്കിയിരിക്കുന്നതെന്നും എ ഗ്രൂപ്പ് വ്യക്തമാക്കി.