വടക്കാഞ്ചേരി: അമ്പലപുരം അത്താണി റോഡില്‍ മണ്ണുമായി പോയിരുന്ന ടിപ്പറിന് തീപിടിച്ചു. ഷോര്‍ട്ട് സര്‍ക്യൂട്ടാകാം അപകടകാരണമെന്നാണ് പ്രാഥമിക നിഗമനം.
വേലൂര്‍ പാറക്കുന്നത്ത് വീട്ടില്‍ അഭിലാഷിന്റെ ഉടമസ്ഥതയിലുള്ള ടിപ്പറിനാണ് തീപിടിച്ചത്. വാഹനം നിര്‍ത്തി ഡ്രൈവറുള്‍പ്പടെയുള്ളവര്‍ ഓടി രക്ഷപ്പെടുകയായിരുന്നു.
മുന്‍വശത്തെ കാബിന്‍ പൂര്‍ണമായും കത്തിനശിച്ചു. വടക്കാഞ്ചേരിയില്‍ നിന്നുള്ള രണ്ട് യൂനിറ്റ് ഫയര്‍ഫോഴ്‌സ് എത്തി തീയണക്കുകയായിരുന്നു.
രക്ഷാപ്രവര്‍ത്തനങ്ങള്‍ക്ക് അഗ്‌നിശമന സേനാംഗളായ സ്റ്റേഷന്‍ ഓഫിസര്‍ എസ്.എല്‍ ദിലീപ്, ലീഡിങ് ഫയര്‍മാന്‍ റോയ് തോമസ്, രഞ്ജിത്ത്, ഫയര്‍മാന്‍മാരായ യുവൈസ്, ശ്രീജിത്, രമേശ് ,സുജാതന്‍, ഫയര്‍ ഡ്രൈവര്‍ വില്‍സന്‍ തുടങ്ങിയവര്‍ നേതൃത്വം നല്‍കി.