ചെന്നൈ: സംസ്ഥാനത്ത് കൊവിഡ് ബാധിതരുടെ എണ്ണത്തില്‍ വര്‍ധനവ്. ഇരുപത്തിനാല് മണിക്കൂറിനിടെ 161 പേര്‍ക്കാണ് കൊവിഡ് സ്ഥിരീകരിച്ചത്. ഇതില്‍ 138 പേരും ചെന്നൈയില്‍ നിന്നാണ്.തമിഴ്നാട്ടില്‍ ഇതുവരെ 2323 പേര്‍ക്കാണ് കൊവിഡ് സ്ഥിരീകരിച്ചിരിക്കുന്നത്.

https://twitter.com/ANI/status/1255839878161616898

ചെന്നൈയില്‍ ഇതുവരെ 906 പേര്‍ക്കാണ് കൊവിഡ് സ്ഥിരീകരിച്ചിരിക്കുന്നത്. തമിഴ്‌നാട്ടില്‍ നാലുദിവസത്തെ സമ്പൂര്‍ണ ലോക്ക്ഡൗണ്‍ അവസാനിച്ചതോടെ ആളുകള്‍ കൂട്ടത്തോടെ പുറത്തിറങ്ങി.

അവശ്യ സാധനങ്ങള്‍ വാങ്ങുന്നതിനും മറ്റുമാണ് ആളുകള്‍ കൂട്ടത്തോടെ പുറത്തിറങ്ങിയത്. പലയിടത്തും കടകള്‍ക്ക് മുന്നില്‍ നീണ്ട ക്യൂവാണ്. റെഡ് സോണ്‍ ആയി പ്രഖ്യാപിച്ചിടത്തും തിരക്ക് അനുഭവപ്പെടുന്നുണ്ട്.അതേ സമയം സംസ്ഥാനത്ത് രോഗ ലക്ഷണങ്ങള്‍ ഇല്ലാതെ കൂടുതല്‍ പേര്‍ക്ക് രോഗം സ്ഥിരീകരിക്കുന്നുവെന്നത് ആശങ്കയുണര്‍ത്തുന്നുണ്ട്.