ചെറുതോണി: കെ.എസ്.യു ഇടുക്കി ജില്ലാ പ്രസിഡന്റായി ടോണി തോമസ് ചുമതലയേറ്റു. ഇന്നലെ ഇടുക്കി ജവഹര്‍ ഭവനില്‍ നടന്ന സ്ഥാനാരോഹണ ചടങ്ങില്‍ മുന്‍ പ്രസിഡന്റ് നിയാസ് കൂരാപ്പിള്ളിയില്‍ നിന്നാണ്  ചുമതലയേറ്റെടുത്തത്. ഡി.സി.സി. പ്രസിഡന്റ് ഇബ്രാഹിംകുട്ടി കല്ലാര്‍, മുന്‍ ഡി.സി.സി. പ്രസിഡന്റുമാരായ അഡ്വ ഇ.എം. ആഗസ്തി, റോയി കെ. പൗലോസ്, കെ.എസ്.യു - യൂത്ത് കോണ്‍ഗ്രസ് നേതാക്കള്‍ തുടങ്ങിയവര്‍ സന്നിഹിതരായിരുന്നു.