വേങ്ങര: നൂറു വര്‍ഷമായി തലമുറകള്‍ക്ക് അറിവിന്റെ അക്ഷര വെളിച്ചം പകര്‍ന്ന  ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ വിവിധ മേഖലകളില്‍ പ്രതിഭകളായ പൂര്‍വ വിദ്യാര്‍ഥികള്‍ക്ക് സ്‌നേഹാദരം. വാര്‍ഷിക സംഗമം കാലിക്കറ്റ് യൂണിവേഴ്‌സിറ്റി വി.സി ഡോ. കെ. മുഹമ്മദ് ബഷീര്‍ ഉദ്ഘാടനം ചെയ്തു. ഡോ. കെ.എം കുഞ്ഞഹമ്മദ്, റിട്ട. എ.ഇ.ഒ കെ. മുഹമ്മദലി, എ.കെ യൂസുഫ് ഹാജി, പുല്ലമ്പലവന്‍ ഹംസ, കെ. മോഹനന്‍, പി. അലവി ബാപ്പു, എം. അഹമ്മദ് കുട്ടി ഹാജി, കെ. മുഹമ്മദ് ഹാജി, കെ. കല്യാണി, ടി.കെ അബ്ദുള്‍ നാസര്‍, ടി. സൈതലവി, ജോണ്‍സണ്‍ പി. റോയ് എന്നിവരെ ആദരിച്ചു. പി. ബാവ അധ്യക്ഷനായി. കെ. അലവിക്കുട്ടി, വേങ്ങര ഗോപി, കെ. പുഷ്പാനന്ദന്‍, എ. ഷീജ, ഡോ. ജയ, കെ. റഹീന എന്നിവര്‍ സംസാരിച്ചു. വിദ്യാര്‍ഥികളുടെ കലാ പരിപാടികളും ഗാനമേളയും അരങ്ങേറി.