തിരൂര്‍: കേരള ഫുട്‌ബോള്‍ അസോസിയേഷന്‍ സംഘടിപ്പിക്കുന്ന കേരള പ്രീമിയര്‍ ലീഗ് ( കെ.പി.എല്‍) ന്റെ നാലാം സീസണ്‍ ഉദ്ഘാടനം ഇന്ന് തിരൂര്‍ താഴെപ്പാലത്തെ രാജീവ് ഗാന്ധി മുനിസിപ്പല്‍ സ്റ്റേഡിയത്തില്‍ നടക്കും.
വൈകിട്ട് ഏഴിന് ഫ്‌ള്ഡ്‌ലിറ്റില്‍ നടക്കുന്ന ഉദ്ഘാടന മത്സരത്തില്‍ ആതിഥേയരായ സാറ്റ് തിരൂര്‍ എഫ്.സി തൃശ്ശൂരുമായി മത്സരിക്കും.കേരള ഫുട്‌ബോള്‍ അസോസിയേഷന്‍ ജനറല്‍ സെക്രട്ടറി പി.അനില്‍കുമാര്‍, എം.സി വര്‍ഗീസ് അതിഥികളാകും. കെ.പി.എല്ലിന്റെ വിളംബരം അറിയിച്ച് തിരൂര്‍ പൗരാവലിയുടെ ആഭിമുഖ്യത്തില്‍ നടന്ന റോഡ് ഷോ വര്‍ണാഭമായി.  തിരൂര്‍ ഡി.വൈ.എസ്.പി ഉല്ലാസ് ഫ്‌ളാഗ്     ഓഫ് ചെയ്തു.