മലപ്പുറം: കാലിക്കറ്റ് സര്‍വകലാശാലയിലേക്ക് എം.എസ്.എഫ് നടത്തിയ മാര്‍ച്ചില്‍ സംഘര്‍ഷം. സര്‍വകലാശാല കവാടത്തില്‍ മാര്‍ച്ച് പൊലിസ് തടഞ്ഞതിനെ തുടര്‍ന്ന് കവാടത്തില്‍ സ്ഥാപിച്ചിരുന്ന സി. സോണ്‍ പ്രവേശന ബോര്‍ഡ് പ്രവര്‍ത്തകര്‍ കത്തിച്ചു. പൊലിസിനു നേരെ കല്ലേറുണ്ടായതിനെത്തുടര്‍ന്ന് പൊലിസ് ലാത്തി വീശി. പ്രവര്‍ത്തകരെ പൊലിസ് അറസ്റ്റ് ചെയ്തു നീക്കി.

സര്‍വകലാശാല കലോത്സവവുമായി ബന്ധപ്പെട്ട തര്‍ക്കത്തിന്റെ പേരില്‍ വ്യാഴാഴ്ച്ച എസ്.എഫ്.ഐ പ്രവര്‍ത്തകര്‍ എം.എസ്.എഫ് പ്രവര്‍ത്തകരെ ആക്രമിച്ചതില്‍ പ്രതിഷേധിച്ചായിരുന്നു മാര്‍ച്ച്.