മദീന: ടീം മദീന  ഇന്ത്യൻസ് പതിനേഴാം വാർഷികം ആഘോഷിച്ചു. മദീന റൂഹാ ഓഡിറ്റോറിയത്തിൽ സംഘടിപ്പിച്ച പരിപാടിയിൽ സാമൂഹ്യ പ്രവർത്തകരായ ഹംസ പെരുമ്പലം, അഷ്‌റഫ് ചൊക്ലി, ശരീഫ് കാസറഗോഡ് എന്നിവരെ ആദരിച്ചു. ചടങ്ങിൽ ടീമിന്റെ പുതിയ ജേഴ്‌സി യു എസ് ഐ ഫ്രയ്റ്റ്സ് പ്രതിനിധി അമ്മി ഉച്ചിൽ, റഹ്മാൻ ബേക്കൂർ (മേരി ചായ് ), ഫിറോസ് (അക്സ ഹോട്ടൽ ബുക്കിംഗ്), ഇസ്മായിൽ മഞ്ചേശ്വരം (മഹാസ്‌ ഗ്രൂപ്പ് ) എന്നിവർ ചേർന്ന് പ്രകാശനം ചെയ്തു. ടീമിന് വേണ്ടി ക്യാപ്റ്റൻ നജീബ് പത്തനംതിട്ട, മാനേജർ മുസ്തഫ മച്ചമ്പാടി, വൈസ് ക്യാപ്റ്റൻ ഖമർ തുടങ്ങിയവർ ജേഴ്‌സി ഏറ്റുവാങ്ങി. 

 

 പ്രസിഡണ്ട്  സക്കീർ  പെരിങ്ങടി അധ്യക്ഷത വഹിച്ച യോഗത്തിൽ അബ്ദുൾഹഖ് തീരൂരങ്ങാടി മുഖ്യ പ്രഭാഷണം നടത്തി, മദീനയിലെ പ്രമുഖ സംഘടനാ നേതാക്കളായ സയ്യദ് മണിയൂർ (കെഎംസിസി), സലാം (നവോദയ), അബ്ദുൾസത്താർ (ഫ്രറ്റേർണിറ്റി ഫോറം), അബ്ദുൽ ഹമീദ്(ഒഐസിസി), ഹനീഫ (ഫ്രണ്ട്സ് മദീന), നഫ്‌സൽ മാസ്റ്റർ സംസാരിച്ചു. ടീമിന്റെ സ്ഥാപകരായ ഇസ്മായിൽ മഞ്ചേശ്വരം, സമീർ ബംബ്രാണ, അബ്ദുൾറസാഖ് അൽക്കമജാൽ, റഹ്മാൻ ബേക്കൂർ, ഹംസ മേലങ്കടി, നജ്‌ജി അൽക്കമജാൽ,   മൊയ്‌ദു ബീട്ടി, അബ്ബൂ ബംബ്രാണ എന്നിവർക്കു മൊമെൻഡോ നൽകി.  മികച്ച സേവനം സംഭാവന ചെയ്ത നജീബ് പത്തനംതിട്ട, ആരിഫ്  മൊഗ്രാൽ, അമ്മി ഉച്ചിൽ, ഹജ്ജ് തീർത്ഥാടകർക്ക് സന്നദ്ധ സേവനം നൽകിയ അബ്ദുൾസത്താർ ബീട്ടി, ശാക്കിർ അൽക്കമജാൽ, റഹ്മാൻ ബേക്കൂർ, മികച്ച കായിക പ്രകടനത്തിന് സിറാജ് അമുൻജെ   എന്നിവർക്ക് അനുമോദന പത്രവും  നൽകി. ഇല്യാസ് സ്വാഗതവും ഖലീൽ കുഞ്ചത്തൂർ നന്ദിയും പറഞ്ഞു.