മലപ്പുറം: ഹൃദയബന്ധത്തിലൂടെ ദീനീ പ്രവര്‍ത്തനം നടത്തിയ പൂര്‍വീകര്‍ സമസ്തയെ  ശക്തിപ്പെടുത്തിയെന്നും ഇതേ പാതയിലൂടെയാണ് സഞ്ചരിക്കേണ്ടതെന്നും മലപ്പുറത്തു നടന്ന മജ്‌ലിസുന്നൂര്‍ സ്ഥാപകദിന സംഗമം അഭിപ്രായപ്പെട്ടു. പൂര്‍വീകരില്‍നിന്നു സുകൃതമായി ലഭിച്ച മതപാരമ്പര്യം കൈവിടാതെ  സൂക്ഷിക്കാനും സംഘടനാ പ്രവര്‍ത്തനത്തിലും വ്യക്തിജീവിതത്തിലും പരലോക ചിന്ത  ഊട്ടിയുറപ്പിക്കാനും സമസ്ത കേന്ദ്ര മുശാവറ അംഗം കരിമ്പനക്കല്‍ ഹൈദര്‍ മുസ്‌ലിയാര്‍ ആഹ്വാനം ചെയ്തു.
സുന്നി യുവജന സംഘം ജില്ലാ കമ്മിറ്റി നടത്തിയ സംഗമത്തില്‍  നൂറുകണക്കിനു പ്രവര്‍ത്തകര്‍ സംബന്ധിച്ചു.  പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം  ചെയ്തു. അബ്ദുസ്സമദ് പൂക്കോട്ടൂര്‍ അധ്യക്ഷനായി. സയ്യിദ് കെ.കെ.എസ് തങ്ങള്‍ വെട്ടിച്ചിറ, കാളാവ് സൈതലവി മുസ്‌ലിയാര്‍, പി.വി മുഹമ്മദ് മൗലവി, സി. അബ്ദുല്ല മൗലവി, ആനമങ്ങാട് മുഹമ്മദ് കുട്ടി ഫൈസി, ഹസന്‍ സഖാഫി പൂക്കോട്ടൂര്‍, ഹംസ റഹ്മാനി കൊണ്ടിപ്പറമ്പ്, കാടാമ്പുഴ മൂസ ഹാജി, ഷാഹുല്‍ ഹമീദ് മേല്‍മുറി, ശാഫി മാസ്റ്റര്‍ ആലത്തിയൂര്‍,  സി.കെ ഹിദായത്തുല്ല, കെ.ടി ഹുസൈന്‍ കുട്ടി മൗലവി, പി.കെ ലത്വീഫ് ഫൈസി  നേതൃത്വം നല്‍കി.