അബുദാബി: കൊവിഡ്- 19 ബാധിച്ച് ചികിത്സയിലായിരുന്ന ഒരു മലയാളി കൂടി യു.എ.ഇയില്‍ മരിച്ചു. പത്തനംതിട്ട ഇലന്തൂര്‍ പരിയാരം സ്വദേശി പ്രകാശ് (52) ആണ് മരിച്ചത്.

അബുദാബി എന്‍.പി.സി.സി കമ്പനിയില്‍ 14 വര്‍ഷമായി ജോലി ചെയ്യുകയായിരുന്നു ഇദ്ദേഹം.

ഇന്ന് യു.എ.ഇയില്‍ രണ്ടാമത്തെ മലയാളിയുടെ മരണമാണ് റിപ്പോര്‍ട്ട് ചെയ്യുന്നത്. മലപ്പുറം മൂക്കുതല സ്വദേശി കേശവനാണ് (67) നേരത്തെ മരിച്ചത്.

ഇതോടെ കൊവിഡ് ബാധിച്ച് യു.എ.ഇയില്‍ മാത്രം മരിച്ചവരുടെ എണ്ണം 25 ആയി.