സുല്‍ത്താന്‍ ബത്തേരി: താലൂക്ക് ആശുപത്രിയില്‍ ചികിത്സയില്‍ കഴിയുന്ന കൊമ്മഞ്ചേരി ആദിവാസി കോളനിയിലെ സോമനെ ജില്ലാ ലീഗല്‍ സര്‍വിസസ് അതോറിറ്റി സെക്രട്ടറി എ.ജി സതീഷ് കുമാര്‍ സന്ദര്‍ശിച്ചു.
വനത്തിനുള്ളില്‍ താമസിക്കുകയായിരുന്ന സോമന്‍ രോഗബാധിതനായി കിടപ്പിലായ വിവരം മാധ്യമങ്ങളില്‍ വന്നതിനെ തുടര്‍ന്ന് സ്‌റ്റേറ്റ് ലീഗല്‍ സര്‍വിസസ് അതോറിറ്റി അടിയന്തിരമായി റിപ്പോര്‍ട്ട് സമര്‍പ്പിക്കാന്‍ ജില്ലാ ലീഗല്‍ സര്‍വിസസ് അതോറിറ്റിയോട് ആവശ്യപ്പെട്ടിരുന്നു. രോഗബാധിതനായി കിടപ്പിലായിരുന്ന സോമനെ ജൂലൈ ആറിനാണ് ആശുപത്രിയില്‍ പ്രവേശിപ്പിച്ചത്.
മസ്തിഷ്‌കാഘാതം (സെറിബ്രോ വാസ്‌കുലാര്‍ ആക്‌സിഡന്റ്) ആണ് രോഗമെന്ന് ആശുപത്രിയില്‍ സോമനെ ചികിത്സിക്കുന്ന ഡോക്ടര്‍മാര്‍ അറിയിച്ചു. ചികിത്സക്കാവശ്യമായ പണം പട്ടിക വര്‍ഗ വകുപ്പ് നല്‍കുന്നുണ്ട്.