റിയാദ്: സഊദിയിൽ കൊവിഡ്-19 വൈറസ് ബാധയേറ്റു 24 മണിക്കൂറിനിടെ ഏഴു പേർ കൂടി മരണപ്പെട്ടു. പുതുതായി 1344 വൈറസ് ബാധയും സ്ഥിരീകരിച്ചിട്ടുണ്ട്. സഊദി ആരോഗ്യ മന്ത്രാലയ വക്താവ് ഡോ: മുഹമ്മദ് അബ്ദുൽ ആലി നടത്തിയ വാർത്താ സമ്മേളനത്തിലാണ് ഏറ്റവും ഒടുവിലത്തെ വൈറസ് ബാധ വിവരങ്ങൾ വ്യക്തമാക്കിയത്. മരിച്ചവരിൽ ആറു പേരും വിദേശികളാണ്. മക്ക, ജിദ്ദ എന്നിവിടങ്ങളിലാണ് മരണം സ്ഥിരീകരിച്ചത്. ഇതോടെ രാജ്യത്തെ വൈറസ് ബാധയേറ്റുള്ള മരണം 169 ആയും വൈറസ് ബാധിതർ 24097 ആയും ഉയർന്നു. ഇതിനകം 3555 രോഗികൾ വൈറസിൽ നിന്നും മുക്തി നേടുകയും ചെയ്‌തിട്ടുണ്ട്‌.

#الصحة⁩ تعلن عن تسجيل (1344) حالة إصابة جديدة بفيروس ⁧#كورونا⁩ الجديد (كوفيد19)، وتسجيل (7) حالات وفيات رحمهم الله، وتسجيل (392) حالة تعافي ليصبح إجمالي عدد الحالات المتعافية (3555) حالة ولله الحمد. pic.twitter.com/BjaqKlzMwI

— و ز ا ر ة ا لـ صـ حـ ة السعودية (@SaudiMOH) May 1, 2020

   ഇന്ന് സ്ഥിരീകരിച്ച വൈറസ് കണക്കുകൾ ഇങ്ങനെയാണ്. റിയാദ് 282, മദീന 237, മക്ക 207, അൽ ജുബൈൽ 171, ജിദ്ദ 124, ദമാം 114, ബൈഷ് 37, ഖോബാർ 33, ത്വായിഫ് 27, ദിരിയ 14, ഹുഫൂഫ് 12, ബുറൈദ 12, നാരിയ 09, യാമ്പു 09, തബൂക് 07, എ സുൽഫി, 06, അൽ മഖ്‌വ 05, മുസാഹ്മിയ 05, റാസ്‌തന്നൂറ 03, അൽ ഖർജ് 03, ബഖീഖ് 02, ഹായിൽ 02, ബൽജുർഷി, ഖുൻഫുദ, അറാർ, റഫ്ഹ, സാജിർ ഓരോ കേസുകൾ എന്നിവയാണ് ഇന്ന് കണ്ടെത്തിയത്.

    ഇന്നത്തെ വൈറസ് ബാധ കണക്കുകൾ കൂടി പുറത്ത് വന്നതോടെ രാജ്യത്തെ പ്രധാന നഗരികളിലെ കണക്കുകൾ ഇങ്ങനെയാണ്. (ബ്രാക്കറ്റിൽ ചികിത്സയിൽ കഴിയുന്നവർ) മക്ക 5,759 (5111), റിയാദ് 4,521 (3331),
മദീന 4,103 (3,760), ജിദ്ദ 3,897 (3,349), ദമാം 1,367 (1,216), അൽ ഹുഫൂഫ് 1,067 (938), ജുബൈൽ 624 (612), ത്വായിഫ് 339 (249), ബീശ 316 (314), ഖോബാർ 294 (246), ഖത്വീഫ് 240 (33), തബൂക് 236 (192), ബുറൈദ 170 (143). രാജ്യത്ത് നൂറിലധികം കേസുകൾ കണ്ടെത്തിയ നഗരികളുടേത് മാത്രമാണ് ഇവിടെ പ്രതിപാദിച്ചിരിക്കുന്നത്.