പ്രതികള്‍ സഞ്ചരിച്ച കാറുകള്‍ പിടിയില്‍
കാസര്‍കോട്: നാര്‍ക്കോട്ടിക് സെല്‍ ഡിവൈ.എസ്.പി ഡെന്നിസിന്റെ നേതൃത്വത്തില്‍ ആദൂരില്‍ നടത്തിയ വാഹന പരിശോധനയില്‍ ആറ് കിലോ കഞ്ചാവുമായി രണ്ടണ്ടു പേരെ അറസ്റ്റ് ചെയ്തു. പ്രതികള്‍ സഞ്ചരിച്ച രണ്ടണ്ടു കാറുകളും കസ്റ്റഡിയിലെടുത്തു. മൂന്നുപേര്‍ ഓടി രക്ഷപ്പെട്ടു. ചട്ടഞ്ചാല്‍ കൂളിക്കുന്നിലെ അഹമ്മദ് എന്ന ആമു(30), മംഗളൂരുവിലെ  എം.ബി.എ വിദ്യാര്‍ഥി കൊല്ലം സ്വദേശി ഷിബിന്‍(25) എന്നിവരാണ് അറസ്റ്റിലായത്. ചട്ടഞ്ചാലിലെ റഫീഖ്, കൊല്ലം സ്വദേശി രാഹുല്‍, കൊല്ലത്തെ തന്നെ മറ്റൊരു രാഹുല്‍ എന്നിവര്‍ രക്ഷപ്പെട്ടു. നാര്‍ക്കോട്ടിക് സെല്‍ ഡിവൈ.എസ്.പി, ആദൂര്‍ സി.ഐ സിബി തോമസ് എന്നിവരുടെ നേതൃത്വത്തില്‍ നടത്തിയ വാഹന പരിശോധനയിലാണ് പ്രതികള്‍ പിടിയിലായത്.
കഞ്ചാവ് കടത്തുകാരെ കുറിച്ചുള്ള വിവരങ്ങള്‍ ശേഖരിച്ച അന്വേഷണ സംഘം ഇവര്‍ ആദൂരിലേക്കു വരുന്നുണ്ടെണ്ടന്ന് സൂചന ലഭിച്ചതിനാല്‍ റോഡില്‍ കാത്തുനിന്നു. പൊലിസ് ബാരിക്കേട് തകര്‍ത്ത് ആദ്യം വന്ന കാര്‍ കുതിച്ചു പാഞ്ഞതോടെ പൊലിസ് അതിന് പിറകെ പോയി. എന്നാല്‍ പിന്നാലെ വന്ന കാറിലായിരുന്നു കഞ്ചാവ് ശേഖരം ഉണ്ടണ്ടായിരുന്നത്. അകമ്പടി കാറിലുണ്ടണ്ടായിരുന്ന മൂന്നുപേര്‍ ഓടി രക്ഷപ്പെട്ടു. ഇടുക്കിയില്‍ നിന്നാണ് കഞ്ചാവ് കൊണ്ടണ്ടുവന്നതെന്നു പ്രതികള്‍ പറഞ്ഞു. വാടകയ്ക്ക് എടുത്ത കാറുകളാണ് കഞ്ചാവ് കടത്തിനായി ഉപയോഗിക്കുന്നതെന്നും ഇവര്‍ മൊഴി നല്‍കി.
കഞ്ചാവ് വേട്ടയില്‍ ആദൂര്‍ എസ്.ഐ കെ.കെ പ്രശോഭ്, എസ്.ഐ ഫിലിപ്പ്, എ.എസ്.ഐ നാരായണന്‍, ബാലകൃഷ്ണന്‍, സി.പി.ഒ അബൂബക്കര്‍, മധുസൂദനന്‍, സൈബര്‍ സെല്ലിലെ ശ്രീജിത്, അജേഷ് എന്നിവര്‍ പങ്കെടുത്തു.