തൃക്കരിപ്പൂര്‍: നാട്ടറിവ് പഠന കേന്ദ്രത്തിന്റെ നേതൃത്വത്തില്‍ ജൈവകാര്‍ഷികോല്‍പന്ന മേളയായ തേന്‍വരിക്ക ചക്ക മഹോത്സവത്തിനു തൃക്കരിപ്പൂര്‍ പഞ്ചായത്ത് ഓഫിസ് പരിസരത്തു തുടക്കമായി. മേളയില്‍ വിവിധയിനം പ്ലാവുകള്‍, ചക്കയും ചക്ക ഉപയോഗിച്ചുള്ള മൂല്യ വര്‍ധിത ഭക്ഷ്യോല്‍പന്നങ്ങള്‍, മറ്റു ജൈവ കാര്‍ഷികോല്‍പന്നങ്ങള്‍, നടീല്‍ വസ്തുക്കള്‍ എന്നിവയുടെ പ്രദര്‍ശനവും വില്‍പനയുമാണ് മേളയിലുള്ളത്.
മേള സംസ്ഥാന ജൈവ കര്‍ഷക അവാര്‍ഡ് ജേതാവ് അഗസ്തി പെരുമാട്ടിക്കുന്നേല്‍ ഉദ്ഘാടനം ചെയ്തു. ഡോ. വി.പി.പി മുസ്തഫ മുഖ്യ പ്രഭാഷണം നടത്തി. ചക്കയുടെ കാലിക പ്രസക്തിയെ കുറിച്ച് പ്രമുഖ കര്‍ഷകന്‍ കെ.ബി.ആര്‍ കണ്ണന്‍ പ്രഭാഷണം നടത്തി.
മേള 12നു സമാപിക്കും.